الزمالك لم يتخلص بإرادته من اللاعب محمود عبد المنعم كهرباء، بل في يونيو 2019، رفض كهربا استكمال عقده مع الزمالك بحجة أن الموسم انتهى عقده انتهى، وأن العقد الجديد الموقع مع الزمالك غير شرعي.

جاء تصريح مرتضى منصور خلال مداخلة هاتفية على قناة Ten.



❓طب ليه رغم مرور أكتر من سنة على الواقعة لسه بيطرحها رئيس الزمالك تاني؟
🔹 التراشق بين الأهلى والزمالك لسه مستمر، وكل شوية بيتجدد عن نفس اللاعب، الزمالك بيعتبر الأهلي هو المسؤول عن هروب اللاعب من النادي، وحركة ضده دعوة عشان كده.
🔹 وعموما في تراشق مستمرة بين الأهلي والزمالك والمرة دي عاد التراشق من جديد حول لاعب الأهلى الحالي والزمالك السابق محمود عبد المنعم الشهير بـ"كهربا".
🔹 التراشق رجع يوم الخميس اللى فات كان اللاعب له مشادة بين حارس مرمى الفريق محمد الشناوي في تدريب الأهلي لدرجة أن النادي الأحمر أعلن تغريمه مليون جنيه.
🔹 خرج في نفس اليوم مساءً مرتضى منصور رئيس الزمالك وقال "أقول للخطيب إن كهربا هو هديتي لك.. تخلصنا منه لأنه كان يفتعل المشكلات يوميا في الزمالك".


❓طيب هل فعلًا الزمالك هو اللى تخلص كهربا؟
🔹 في يونيو 2019، رفض كهربا استكمال عقده مع الزمالك بحجة أن الموسم انتهي وعقده انتهي، وأن العقد الجديد اللى مضاه والزمالك وثقه في اتحاد الكرة غير شرعي.
🔹 رحل كهرباء إلى الدوري البرتغالي وانضم لنادي "ديبورتفيو أفيس" وقضى معاهم نصف موسم.
في يناير 2020 أنضم كهربا إلى النادي الأهلي.
🔹 الزمالك قرر يحرك دعوى قضائية أمام لجنة فض المنازعات التابعة للاتحاد الدولي "فيفا".
🔹 في 14 أغسطس اللى فات أقرت بخرق كهربا لعقده مع الزمالك، وغرمته مبلغ 32 مليونا و837 ألف جنيه.
🔹 الغرامة اللي أقرتها المحكمة الرياضية بداعي تهربه كهربا من استكمال عقده من النادي.
🔹 في حال عدم دفع كهربا الغرامة يتعرض للإيقاف.
🔹 قرر اللاعب الطعن والقضية مازالت سارية.
🔹 يؤكد الحكم أن الزمالك متخلصش من كهربا أو استغني عنه، لكن هو اللى هرب ومكملش عقده.