كل اللي عايز تعرفه عن مشروع "zed" وفريق الكرة الجديد
التصحيح
من
🔴 إمبارح خرج أنسي نجيب ساويرس، رئيس مجلس إدارة شركة "زد" للإستثمار الرياضي، وأعلن عن التوصل لاتفاق تفاهمي مع أحد أندية الدوري الممتاز للاستحواذ على الحصة الأغلبية به.
🔴 ظهور اسم Zed للعلن في المجال الرياضى، يخلى نرجع بالذاكرة للوراء عشان نسأل عن إمتى ظهر الاسم لأول مرة؟ وإيه هى أذرعها الاستثمارية والعقارية في مصر.. إزاي بدأ الموضوع بمشروع سكني آثار أزمة في الشيخ زايد وسط اتهامات بالمخالفة لاشتراطات البناء؟ وإزاي انتهى لفريق كرة قدم ينافس في الدوري الممتاز؟
❓ خلينا نتعرف في البداية على مشروع zed؟ وإزاي بدأ؟
▪️مشروع "zed" ظهر للنور في مايو 2019، لما شركة "أورا" للتنمية العقارية أعلنت عن إقامة تجربة رائدة لفكرة المجتمع السكني الكامل في الشيخ زايد، مجتمع سكني و تجاري وترفيهي ورياضى.
▪️شركة "أورا" للتنمية العقارية هى شركة مملوكة لرجل الأعمال نجيب ساويرس، ومحفظتها الاستثمارية بتصل لـ2 مليار ونصف المليار دولار.
▪️الاستثمارات المدفوعة من شركة "أورا"، في مشروع "زيد" الشيخ زايد ما بين أربع وخمس مليارات جنيه خلال 2019 و2020 بحسب الرقم اللى قاله هيثم محمد، الرئيس التنفيذي لشركة "أورا" لوكالة رويترز.
▪️مبيعات المشروع السكني متوقع توصل إلى 50 مليار جنيه في 6 سنوات.
▪️في يناير اللى فات، الشركة أعلنت أنها نجحت في بيع 900 وحدة بالمشروع بمتوسط سعر بيع 25 ألف جنيه للمتر، وإنها في سبتمبر الجاري هتطرح 700 وحدة جديدة للبيع.
▪️لمشروع عدد وحداته هتوصل إلى 4500 وحدة سكنية كاملة التشطيب، ومول تجارى من مستويين وأربعة أبراج سكنية بارتفاع 17 دور.
▪️شركة "أوراسكوم للإنشاءات" اللى بيملك غالبيتها أسهمها نجيب ساويرس، هى اللى بتنفذ المرحلة الأولى من المشروع.
▪️أنهت "أوراسكوم" المرحلة الأولى من المشروع خلال 35 شهرا، وتسليم الوحدات للعملاء هيبقى في 2023.
❓وإيه حكاية أرض مشروع zed؟ وجت منين؟
▪️المشروع علي مساحة 165 فدانًا مقسمة ما بين أبراج سكنية ومساحات خضراء وملاهي ترفيهية، وبتطل على "الشيخ زايد بارك" وهي حديقة مركزية مساحتها 65 فدانًا، حديقة تتبع هيئة المجتمعات العمرانية التابعة لوزارة الإسكان.
▪️المشروع أثار غضب بعض أهالي مدينة الشيخ زايد، اللى تقدموا بشكاوى رسمية لجهاز مدينة الشيخ زايد، معترضين على تشييد أبراج بهذا الارتفاع لأنها هتمثل ضغط على البنية التحتية للمدينة.
▪️اشتراطات البناء في مدينة الشيخ زايد مقرر لها ارتفاع 8 أدوار فقط، وهنا بحسب شكوى الأهلى المشروع فيه أبراج شاهقة الطول.
▪️أهالي المدينة اتهموا جهاز المدينة بتغيير المخطط العام والتصريح ببناء أبراج، وفي الوقت نفسه بتفرض غرامات مالية لأصحاب العمارات السكنية للي يرتفع عن الأدوار المحددة.
▪️مجلس أمناء مدينة الشيخ زايد أصدر بيان في مايو 2019 بمشاركة شخصيات عامة زى الكاتب عمر طاهر والفنانة إنعام سالوسة قالوا فيه، إن المشروع يطل على حديقة "زايد" المركزية، اللى تعتبر منفعة عامة، وده معناه أنها ملك دافعي الضرائب وتكلفتها اقتربت من 200 مليون جنيه من الأموال العامة للدولة مش ملك لسكان zed.
▪️جهاز مدينة الشيخ زايد، رد على الشكوى أنه فيه أبراج منشأة في المدينة لكنها كانت تجارية مش سكنية، وإن فكرة وجود أبراج سكنية مفيهاش مشكلة لأن كان نفس المساحة اللى اتبنت فيها أبراج "zed" كان هيبقى فيها 450 عمارة، لكن دلوقتي 15 برج فقط، وده أقل من الكثافة اللى كانت هتبقى موجودة بسبب الـ450 عمارة.
❓طب إيه موقف نجيب ساويرس من الهجوم ده؟
▪️رد وقال في مارس 2019، إن المشروع فيه برج واحد مكون من 20 دورًا ويمثل 10٪ من مساحة المشروع، وبقية العمارات مكونة من أرضي و٩ أدوار فقط.
▪️كمان قال: "مفيش داعي للاعتراض على الارتفاعات دي، لأنها أصلا موجودة بالفعل فى المدينة، وبعضها على بعد كيلو واحد من موقع الأرض"، وأكد أن شركته حصلت على رخصة رسمية بالبناء في 2017.
▪️في يناير اللى فات وفي مداخلة هاتفية مع عمرو أديب، نجيب ساويرس قالها إن رافعي قضية أبراج مدينة الشيخ زايد، لن يكسبوا القضية لأن بناء هذه الأبراج، تم بناء على شروط وزارة الإسكان من جانب الدولة.
❓من الإسكان للكورة، إزاي zed وصلت لفكرة تملك نادي؟
▪️بعد بدء إنشاء مشروع zed السكني، تم إنشاء شركة خاصة للاستثمار الرياضي بنفس الاسم، وظهر ده في الإعلان الشهير للمشروع اللى اتذاع على الفضائيات في شهر رمضان اللى فات، بظهور نجوم الكرة أحمد حسام ميدو وسيف زاهر ومحمد فضل في الإعلان.
▪️في أبريل اللى فات، خرج أنسي نجيب ساويرس بن نجيب ساويرس، بصفته مسؤول شركة ZED للاستثمار الرياضي، وقال إن طموح الشركة هو تأسيس فريق منافس في الدوري المصري.
▪️أنسي ساويرس قال: "طموحنا تأسيس فريق للظهور في الدوري المصري، بس علينا البداية بفريق صغير".
▪️طموحات الشركة في الرياضة مش مقتصرة على تملك نادي، لكن بحسب بيان للشركة في مايو اللى فات، قالوا إنهم هدفهم تدشين:
📌 ستاد "زيد" الرياضي.
📌 أول جامعة رياضية في مصر والمنطقة
📌 فريق الحلم 2030، وفريق “زد اف سي" لكرة القدم.
▪️أحمد دياب العضو المنتدب لشركة zed قال في تصريح له في يونيو اللى فات "إن خطة الشركة هي التواجد بالدوري الممتاز خلال ثلاثة مواسم قادمة".
▪️في 22 سبتمبر، قال أنسي نجيب ساويرس، رئيس مجلس إدارة شركة زد للاستثمار الرياضي، إنه تم التوصل لاتفاق تفاهمي مع أحد أندية الدوري الممتاز للاستحواذ على الحصة الأغلبية به.
▪️تقارير في مواقع رياضية كشفت بناء على حديثها مع مصادر، أن النادي دي هو نادي "مصر" اللى بينافس في الدوري الممتاز حاليا، لكن موقفه في الجدول صعب، بيحتل المركز الـ17 من أصل 18 نادي، وأقرب للهبوط قبل نهاية 6 جولات من ختام الدوري.
🔴 ظهور اسم Zed للعلن في المجال الرياضى، يخلى نرجع بالذاكرة للوراء عشان نسأل عن إمتى ظهر الاسم لأول مرة؟ وإيه هى أذرعها الاستثمارية والعقارية في مصر.. إزاي بدأ الموضوع بمشروع سكني آثار أزمة في الشيخ زايد وسط اتهامات بالمخالفة لاشتراطات البناء؟ وإزاي انتهى لفريق كرة قدم ينافس في الدوري الممتاز؟
❓ خلينا نتعرف في البداية على مشروع zed؟ وإزاي بدأ؟
▪️مشروع "zed" ظهر للنور في مايو 2019، لما شركة "أورا" للتنمية العقارية أعلنت عن إقامة تجربة رائدة لفكرة المجتمع السكني الكامل في الشيخ زايد، مجتمع سكني و تجاري وترفيهي ورياضى.
▪️شركة "أورا" للتنمية العقارية هى شركة مملوكة لرجل الأعمال نجيب ساويرس، ومحفظتها الاستثمارية بتصل لـ2 مليار ونصف المليار دولار.
▪️الاستثمارات المدفوعة من شركة "أورا"، في مشروع "زيد" الشيخ زايد ما بين أربع وخمس مليارات جنيه خلال 2019 و2020 بحسب الرقم اللى قاله هيثم محمد، الرئيس التنفيذي لشركة "أورا" لوكالة رويترز.
▪️مبيعات المشروع السكني متوقع توصل إلى 50 مليار جنيه في 6 سنوات.
▪️في يناير اللى فات، الشركة أعلنت أنها نجحت في بيع 900 وحدة بالمشروع بمتوسط سعر بيع 25 ألف جنيه للمتر، وإنها في سبتمبر الجاري هتطرح 700 وحدة جديدة للبيع.
▪️لمشروع عدد وحداته هتوصل إلى 4500 وحدة سكنية كاملة التشطيب، ومول تجارى من مستويين وأربعة أبراج سكنية بارتفاع 17 دور.
▪️شركة "أوراسكوم للإنشاءات" اللى بيملك غالبيتها أسهمها نجيب ساويرس، هى اللى بتنفذ المرحلة الأولى من المشروع.
▪️أنهت "أوراسكوم" المرحلة الأولى من المشروع خلال 35 شهرا، وتسليم الوحدات للعملاء هيبقى في 2023.
❓وإيه حكاية أرض مشروع zed؟ وجت منين؟
▪️المشروع علي مساحة 165 فدانًا مقسمة ما بين أبراج سكنية ومساحات خضراء وملاهي ترفيهية، وبتطل على "الشيخ زايد بارك" وهي حديقة مركزية مساحتها 65 فدانًا، حديقة تتبع هيئة المجتمعات العمرانية التابعة لوزارة الإسكان.
▪️المشروع أثار غضب بعض أهالي مدينة الشيخ زايد، اللى تقدموا بشكاوى رسمية لجهاز مدينة الشيخ زايد، معترضين على تشييد أبراج بهذا الارتفاع لأنها هتمثل ضغط على البنية التحتية للمدينة.
▪️اشتراطات البناء في مدينة الشيخ زايد مقرر لها ارتفاع 8 أدوار فقط، وهنا بحسب شكوى الأهلى المشروع فيه أبراج شاهقة الطول.
▪️أهالي المدينة اتهموا جهاز المدينة بتغيير المخطط العام والتصريح ببناء أبراج، وفي الوقت نفسه بتفرض غرامات مالية لأصحاب العمارات السكنية للي يرتفع عن الأدوار المحددة.
▪️مجلس أمناء مدينة الشيخ زايد أصدر بيان في مايو 2019 بمشاركة شخصيات عامة زى الكاتب عمر طاهر والفنانة إنعام سالوسة قالوا فيه، إن المشروع يطل على حديقة "زايد" المركزية، اللى تعتبر منفعة عامة، وده معناه أنها ملك دافعي الضرائب وتكلفتها اقتربت من 200 مليون جنيه من الأموال العامة للدولة مش ملك لسكان zed.
▪️جهاز مدينة الشيخ زايد، رد على الشكوى أنه فيه أبراج منشأة في المدينة لكنها كانت تجارية مش سكنية، وإن فكرة وجود أبراج سكنية مفيهاش مشكلة لأن كان نفس المساحة اللى اتبنت فيها أبراج "zed" كان هيبقى فيها 450 عمارة، لكن دلوقتي 15 برج فقط، وده أقل من الكثافة اللى كانت هتبقى موجودة بسبب الـ450 عمارة.
❓طب إيه موقف نجيب ساويرس من الهجوم ده؟
▪️رد وقال في مارس 2019، إن المشروع فيه برج واحد مكون من 20 دورًا ويمثل 10٪ من مساحة المشروع، وبقية العمارات مكونة من أرضي و٩ أدوار فقط.
▪️كمان قال: "مفيش داعي للاعتراض على الارتفاعات دي، لأنها أصلا موجودة بالفعل فى المدينة، وبعضها على بعد كيلو واحد من موقع الأرض"، وأكد أن شركته حصلت على رخصة رسمية بالبناء في 2017.
▪️في يناير اللى فات وفي مداخلة هاتفية مع عمرو أديب، نجيب ساويرس قالها إن رافعي قضية أبراج مدينة الشيخ زايد، لن يكسبوا القضية لأن بناء هذه الأبراج، تم بناء على شروط وزارة الإسكان من جانب الدولة.
❓من الإسكان للكورة، إزاي zed وصلت لفكرة تملك نادي؟
▪️بعد بدء إنشاء مشروع zed السكني، تم إنشاء شركة خاصة للاستثمار الرياضي بنفس الاسم، وظهر ده في الإعلان الشهير للمشروع اللى اتذاع على الفضائيات في شهر رمضان اللى فات، بظهور نجوم الكرة أحمد حسام ميدو وسيف زاهر ومحمد فضل في الإعلان.
▪️في أبريل اللى فات، خرج أنسي نجيب ساويرس بن نجيب ساويرس، بصفته مسؤول شركة ZED للاستثمار الرياضي، وقال إن طموح الشركة هو تأسيس فريق منافس في الدوري المصري.
▪️أنسي ساويرس قال: "طموحنا تأسيس فريق للظهور في الدوري المصري، بس علينا البداية بفريق صغير".
▪️طموحات الشركة في الرياضة مش مقتصرة على تملك نادي، لكن بحسب بيان للشركة في مايو اللى فات، قالوا إنهم هدفهم تدشين:
📌 ستاد "زيد" الرياضي.
📌 أول جامعة رياضية في مصر والمنطقة
📌 فريق الحلم 2030، وفريق “زد اف سي" لكرة القدم.
▪️أحمد دياب العضو المنتدب لشركة zed قال في تصريح له في يونيو اللى فات "إن خطة الشركة هي التواجد بالدوري الممتاز خلال ثلاثة مواسم قادمة".
▪️في 22 سبتمبر، قال أنسي نجيب ساويرس، رئيس مجلس إدارة شركة زد للاستثمار الرياضي، إنه تم التوصل لاتفاق تفاهمي مع أحد أندية الدوري الممتاز للاستحواذ على الحصة الأغلبية به.
▪️تقارير في مواقع رياضية كشفت بناء على حديثها مع مصادر، أن النادي دي هو نادي "مصر" اللى بينافس في الدوري الممتاز حاليا، لكن موقفه في الجدول صعب، بيحتل المركز الـ17 من أصل 18 نادي، وأقرب للهبوط قبل نهاية 6 جولات من ختام الدوري.
